Talash e Sukoon

 Jiske pass moti h use heero ka har chahiye...  Jiske paas roti hai use pizza ka swad chaiyee...  Jis pe ek gadi h usko farari chahiye...  Jispe cycle h usko rejgari chaiyye..  Jo cooler me sota h usko AC chaiye...  Kisi ko sone ke liye bs khula asman chahiye...  Jiski jitni chadar h usme vo khush kaha hai..  Chahtein h itni hme khud ki kadar hi kaha h... Doob gye h bs mayavi janjal me...  Jeena asal me kya hai ye janne ki fursat hi kaha hai..

Vo jo tod de har deewar har aate toofan ko...  Ek uski khatir razi hai bechne har arman ko...  Bich jati hai daulat met kr uske samne...  Patni hai vo nibhati hai har dharm even jate waqt shamshan ko..  Log kehte hai abla kabhi kehte hain bala... Roop hai kitne aurat ke ye kon samjha ab tak bhala??  Nari kaisi bhi sahi sath har mushkil me vo nibhati hai...  Sita to ab nahin fir bhi arthi ko kandha dekr pati ko moksh dilati hai...  Ab na yamraj se prano ki raksha krna asan hai...  Jo hain un sang khush raho, qki saye sang jeena mrit hokar jeene ke saman hai... 😑 

 Ghuman kar naa uspe jo tere pass hai...  Tulna na krna usse jyada jiske pas hai...  Socho us gareeb ki jiske na waqt sath hai...  2 joon ki roti jiski bs ek ardaas hai...  Beetti qa hogi us masoom pr jo khelne ki umra me khilaune banata hai...  Fir bhi vo jeeta hai, hume museebaton se jeetna sikhata hai...  Kyu in nanhi ankho me itne sawal hain...  Gar badal gya hai desh to badlaw kahan hain??? 

 Kachhe the vo dhage jo andhiyo se too gye... Isi ek malal me na jane kitne choot gye... 🖤 Mud kar dekha to chehra nhi yadon ka sailab najar aya...  Aaina dekha aj to khud ko behad akela paya...  Ye jo yari thi kal tak vo aj kaha hai...  Gar sb kuch hai mujhpe to sukoon kaha hai?? 

 Jab jazba junoon aur chahat ban jayega... Zidd se pehle samne kuch bhi nazar nahi ayega....  Ye dhairya parishram va anushasan ki ladai h dost...  Jo sochega vo sirf sochega r jisne than liya vo karke dikhlayega....

Aisi isthtiti ho gyi h aj insan apno ke jane se toot rha hai...  Koi kar rha hai dua kisi ki zindagi ki koi mrit se bhi loot rha hai... Na jane kitne rishto ki kurbani mangega hmse ye waqt ka sailab...  Ek ek shaks yha kisi ke sanso ki bant joh rha hai...  Kab hm is sailab se ubhar kr aayenge...  R jab ayenge tb qa hm sbhi bach payenge???

Aj ki bate aj par chod ke kal ko asan banana....  Yhi zindagi hai dost, itna asan nahi h isko nibhana....  Bharne ko rang h hajar fir bhi ye pal suna kyu hai....  Jinko chahti hoon, hoon unke pass fir bhi adhurapan kyu hai...  Kyu meri rato ki neend chain karar sb pakr bhi khoya hai....  Agar mai jag rhi hoon to fr mera dil kyu soya hai....  Kashmakash se bhari hai rat, karwate badalti ja rhi hoon....  Hai Konsa aisa khawab jiski udhedbun me mai chah kr bhi nahi so parhi hoon...  Ye rat bhi beet jayegi kal suraj ki rashmi ek naya ujala layegi...  Koyal ki kook se zindagi fir madhur ho jayegi....  Ye khatti meethi nok jhok pal bhar me ojhal ho jayegi...  Gham tha jo kal use aaj ab hm na banayege...  Prem krte h apse bs prem se aane wala har pal Bityaenge....